Nativ myse kontra lettmjølk: effekt av 12 veker regelbunden styrketrening og proteintilskot på anabol signalering: ei dobbel-blinda, randomisert og kontrollert studie

Abstract

INTRODUKSJON: Inntak av mjølkeprotein kan stimulera myofibrillær proteinsyntese (MPS) etter éi styrketreningsøkt. Auka MPS er eit resultat av auka aktivitet i anabole signalvegar, med markørar som bl.a. fosforylering av p70S6k (p-p70S6k). Aminosyra leucin har blitt sett på som ein potent triggar av MPS. Derfor har det blitt antatt at proteinkjelder som gir ein rask auke i leucin i blod kan vera fordelaktig for muskulære adaptasjonar til styrketrening. Målet med denne masteroppgåva var å undersøka om supplementering med nativ myse (100% myseprotein), som gir ein rask auke i leucin i blod, stimulera aktiviteten i anabole signalvegar i større grad enn mjølkeprotein (20% myseprotein, 80% kaseinar), og om dette fører til større muskelvekst og auke i styrke etter 12 veker med styrketrening og proteinsupplementering. METODE: 22 menn og kvinner (30±6 år) vart randomisert til å innta anten mjølk eller nativ myse. Begge gruppene gjennomførte tung styrketrening i 12 veker (tre økter per veke). Protein vart gitt direkte etter kvar økt, i tillegg til morgon eller kveld (2 x 20g kvar dag). Muskelbiopsiar vart teke 30 minutt før og to timar etter første og siste treningsøkt, og vart analysert for hypertrofisignalering og fiberareal. Muskelstyrke i beinpress og tjukn og tverrsnitt av m. vastus lateralis vart målt før og etter treningsintervensjonen.