Rytme og volleyballsmash : ei teoretisk analyse og ei empirisk undersøking : kva betydning har erfaring frå dans og musikk for prestasjonsvariablane ballhastigheit, presisjon og stabilitet i volleyballsmashen hos kvinnelege volleyballspelarar?

Abstract

Hensikta med dette studiet var å belyse rytmen si rolle i volleyballsmashen. Ved søk på rytme og omgrep knytte til rytme blei resultatet ei stor mengde bøker og artiklar frå mange fag- og forskingsområde. Litteraturstudiet openbara dei mange ulike meiningar om og synspunkt på kva rytme er og kva rolle den kan spele i ulike situasjonar. Eit mangfald av definisjonar og omgrep frå fleire fagområde har gjort det vanskeleg å forstå kva rytmeomgrepet eigentleg inneber. Forskingslitteratur som tek for seg kva effekt rytmen har på teknikkar og særleg på teknikkar som er asyklisk er det lite av. Som ein konsekvens av dette ville eg ved hjelp av eigen empiri prøve å finne ut om det kunne vere ein samanheng mellom erfaring frå dans og musikk og prestasjonane i volleyball-smashen.