| dc.description.abstract | Formål: Formålet med studien var å undersøka korleis unge handballspelarar i Noreg oppfattar trenaren si atferd, og korleis denne atferden påverkar spelarane sine psykologiske prosessar innanfor motivasjon og presentasjonsangst. I tillegg undersøkte ein spelarane si oppfatning av trenaratferd frå to ulike teoretiske tilnærmingar der desse vart samanlikna. Studien var forankra motivasjonelt i form av sjølvbestemmelsesteorien. Metode: Ein tverrsnittundersøking vart gjennomført. 566 handballspelarar frå 16-18 år deltok i studien, der 43 av dei vart ekskludert. Spelarane var frå 40 ulike lag innanfor fire ulike nivå, høvesvis landslag, Sparserie, Bringserie og vanleg regionserie. Svarprosenten i studien var 100 %. Deltakarane svara på spørreskjema innanfor behovstilfredsstilling (BPNES), motivasjon (SMS), kontrollerande trenaratferd (CCBS), autonomistøttande trenaratferd (SCQ), trenaratferd (CBAS-PBS), og prestasjonsangst (SAS-N). Resultat: Korrelasjon og kanoniske analysar vart gjennomført. Resultatet viser at når trenaren viser stor grad av både kontrollerande trenaratferd og negativ trenaratferd viser trenaren også stor grad av autonomistøttande trenaratferd og positiv trenaratferd. Samstundes kom ein fram til at når trenaren viser stor grad av både autonomistøttande atferd og positiv trenaratferd viser trenaren liten grad av autonomistøttande trenaratferd og stor grad av positiv trenaratferd. Når spelarane oppfatta trenaren si atferd i stor grad kontrollerande og liten grad autonomistøttande hadde spelarane mindre tilfredsstilling av grunnleggande psykologiske behov, mindre grad av sjølvbestemt motivasjon og større grad av prestasjonsangst. Resultata viste også at når trenaren si atferd vart oppfatta i stor grad autonomistøttande og liten grad kontrollerande hadde spelarane større tilfredsstilling av grunnleggande psykologiske behov, større grad av sjølvbestemt motivasjon og mindre grad av prestasjonsangst. Konklusjon: Ut frå resultata kan ein konkludera med at trenaren si atferd har betydning
for spelarane sin motivasjon og prestasjonsangst. Vidare kan ein konkludera med at type
atferd trenaren viser innanfor positive tilnærmingar som autonomistøttande trenaratferd
og positiv trenaratferd, og type atferd trenaren viser under negative tilnærmingar som
kontrollerande trenaratferd og negativ trenaratferd har ikkje ein tydeleg samanheng og
må forskast meir på.
Nøkkelord: Handball, trenar, spelarar, trenaratferd, motivasjon, prestasjonsangst. | no_NO |
