| dc.description.abstract | Innleiing: Overvekt er ofte assosiert med metabolsk syndrom som over tid kan utvikle diabetes type 2, samt hjerte -og karsjukdomar. Høge konsentrasjonar av blodglukose over tid kan utvikle diabetes type 2, og medføre tidlegare død. Studiar viser at uthaldstrening kan betre glukosetoleransen, og førebyggje utvikling av metabolsk syndrom, diabetes type 2 og hjerte -og karsjukdomar. Det er likevel usikkert om korte treningsperiodar kan påverke glukosetoleransen, og om korte treningsperiodar vil betre fysisk form og fysisk kapasitet. Føremålet med denne studien var å undersøke om ein kort treningsperiode på tre veker ville betre den akutte og langvarige glukosetoleransen hjå utrente, middelaldrande, overvektige menn. Same treningsperiode ville undersøke om fysisk kapasitet og fysisk form ville bli betra.
Metode: 11 utrente, middelaldrande menn blei rekruttert til studien. Forsøkspersonane gjennomført tre veker med uthaldstrening på sykkel. Kvar treningsøkt bestod av ein total arbeidstid på 60 min (ekskludert pausar), og forsøkspersonane skulle ligge på 75-85% av maksimal hjertefrekvens. Det blei gjennomført måling av kroppssamansetnad, OGTT, CGM, laktatprofiltesting, feittoksidasjonstest og VO2maks-test før og etter treningsperioden. OGTT blei gjennomført dagen etter siste treningsøkt, samt tre dagar etter siste treningsøkt.
Resultat: Uthaldstrening over tre veker resulterte i signifikant auke i VO2maks og laktatterskel. Det blei ikkje observert endring i fastande glukose, HbA1c, 2-h glukose eller AUCglukose. Det var ein tendens til redusert glukosekonsentrasjon etter treningsperioden med målingar frå CGM (p=0,060).
Konklusjon: Studien viser at tre veker med uthaldstrening gir betra fysisk form og fysisk kapasitet hjå utrente, overvektige, middelaldrande menn. Det var ingen endring i glukosetoleransen hjå forsøkspersonar som i utgangspunktet hadde normale glukosekonsentrasjonar under OGTT. | en_US |
